Popular Bible Verses from Marku 9

Share

Yesu kaa a na er: Aluer wea fatyô yô, akaa cii a kôrcio hen or u nan ne jighjigh la.

Nahan ter u wan la genger imo, kaa er: M na jighjigh, wasem sha myina u jighjigh wam u nan ne.

Tsô nyer ken iyou yô, mbahenen Nav pine Un ken myer er: Ka nyi man se fetyô u dughun un ga? A kaa a ve er: Imba ne ka i dugh sha ma kwagh ugen ga, saa sha msen u eren.

Bar doo, kpa aluer bar una kera nyoho ga yô, ka sha nyi né shi né sôr unu? Lu nen a bar ken a ven je, man lu nen bem bem ayol a en.

Hanmô u nana rumun u môm ken imba i mbayev mban ken iti Yam yô, ka Mo je nan rumun ye; man shi hanmô u nan rumun Mo yô, ka Mo nan rumun ga, kpa ka Un u A tindim la.

Gadia hanmô u nana na ne iyongomnger ken iti Yam er, ne̱ ma, sha ci u ne lu ior i Kristu yô, mimi je M kaan ne ne, mayange injar i nan ia saa nan je ga.

Man shi hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i har nan zegenase sha mon ma i kende nan shin zegemnger.

Man shi aluer ishe you ia na u gbev mbu nôngon yô, dugh i kera; u ú nyôr sha tartor u Aôndo a ishe i môm yô, ka u guda a u ma u lu a ashe ahar ma i kende u ken gehena