Popular Bible Verses from Mateu 21

Share

Akaa a ne sôn ken msen cii, né ngohol, aluer nea na jighjigh yô.

Yesu gema kaa a ve er: Mimi je M kaan ne, aluer ne lu a jighjigh u nan man né ta akpelan ga yô, ka kwagh u a er tur ne nahan tseegh né er ga, kpa á lu uwo ne je kpaa, né kaa u ner: Mough, gba shin zegemnger kpaa á lu nahan je.

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

A kaa a ve er: I nger er: Á yila iyou Yam er iyou i msen; kpa ne yô, ne gema a mi, hingir bar u mbanumunior.

Kaa nen wankwase u Shion ner: Nenge, Tor wou ngu van her a we, ngu a ishima i legh legh, a henda ngôjaki man wan, ka wan u jaki.

Yesu kaa a ve er: Shin icighanruamabera ne, ne ôr un gaa? Er: Iwen i mbamaan ve venda i la, ka i je, i hingir i sha zongo ye, ka Ter je A er kwagh ne ye, gema ka kwagh u kpilighyol sha ashe ase.

Ka nahan man M kaan ne ye, á ngohol tartor u Aôndo hen a ven kera á na ikurior i ia ume atam yô. [