Popular Bible Verses from Mateu 18

Share

Gadia her ape ior ihiar shin itiar ve kohol ken iti Yam yô, Mo kpaa M ngu ve her atô je.

Man shi M ngu kaan ne Mer: Aluer ior ihiar ken a ven man vea zua ishima shin tar sha ma kwagh u vea sôn yô, Terem u A lu Sha kpaa Una er ve un.

Tsô A yila wanye A va ver un her atô ve, A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Hanmô u nana hide a iyol i nan ijime er wanye ne nahan yô, ka nan je nan hembe sha tartor u Sha ye.

Man hanmô u nana rumun u môm ken imba i mbayev mba kiriki mban ken iti Yam yô, ka Mo je nan rumun ye.

Mimi je M kaan ne ne, hanma kwagh u ne kange shin tar ne, una lu uikangen Sha kpaa; man shi hanma kwagh u ne sagh shin tar ne yô, á sagh un Sha kpaa.

Kape Terem u A lu Sha kpaa Una er a ven la, aluer ne kpaa hanmô wen nana de anmgbian u nan akaabo a nan gbar gbar ga yô.

Kpa hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i zer nan zegenase sha mon, ma i gbihi shin iv i zegemnger.

Ne mba henen nana? Aluer or nana lu a iyôngo akunduataan man u môm ken i ia tsume yô, nana kera undu i akunduanyiingber kar itiankarinyiin la sha iwo, nana yem nana za ker i i tsum la gaa?