Popular Bible Verses from Mateu 16

Share

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

Man shi Me na u uishindan mba tartor u Sha; hanma kwagh u wea kange shin tar ne yô, una lu uikangen Sha, man hanma kwagh u wea sagh un shin tar ne yô, á sagh un Sha kpaa.

Gadia hanma or u i sar nan pe yiman uma u nan yô, una saa nan a saa, kpa hanmô u uma u nan una saa nan sha ci Wam yô, nana zua a zua a mi je.

Gadia aluer or á zua a tar cii, kpa uma u nan una gema á saa nan yô, á doo nan sha nyi? Shin ka nyi kwagh man or nana na sha u paan uma u nan sha mini?

A kaa a ve er: Tsô ne yô, ne mba kaan ner, Mo M ngu ana? Shimon Peteru gema kaa er: We U ngu Kristu Wan u Aôndo u uma.

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.