Popular Bible Verses from Mateu 10

Share

Nenge, M ngu tindin ne er iyôngo ken atô u ugbaseela nahan; yô, lu nen mbafankwagh er iyô nahan man wang er mkungum nahan.

U nan zough a uma u nan yô, una saa nan a saa; man or u uma u nan a saa sha ci Wam yô, nana zua a zua a mi.

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

man u nan tee terankon u nan, nan dondon sha a Mo ga yô, nan kumam ga.

Nahan hanma or u nana pasen Mo sha ishigh ki iorough yô, ka nan je Me pase nan sha ishigh ki Terem u A lu Sha kpaa ye. Kpa hanma or u nana nyiman Mo sha ishigh ki iorough yô, ka di nan je Me nyiman nan sha ishigh ki Terem u A lu Sha kpaa ye.

Bee nen mba ve lu dedoo ga la angev; nder nen mbakpenev; wanger nen mbaamandev; dugh ujijingi mba bov. Ne ngohol gbilin, na nen di gbilin kpaa.

Nahan yô, de cie nen ga; mbaatsator kpishi kpaa ne hemba ve.

De henen nen ner, M va sha u van a bem sha won ga; M va sha u van a bem ga, kpa ka ishôm.