Popular Bible Verses from Luka 13

Share

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

Tsô nenge, kwase ugen u a lu a jijingi u uange anyom pue kar anigheni; iyol na cii kôvor ng'wenee, kera fatyô u naregh sha ga. Er Yesu nenge a na yô, A yila un, A kaa a na er: Kwase, i war u sha angev ou ve.

A penda un ave iyol; nahan a naregh jighilii, tsô a gba civir Aôndo.

Mbamasetyô mbagenev vea hingir mbahiihii; mbahiihii mbagenev di vea gema á hingir mbamasetyô.

Aluer orya una vande moughon una wuhe hunda kera yô, né gba tilen ken won manden uwegh sha katsor, kaan er: Tere, shi bugh se ga! kpaa Una gema Una kaa a ven er: M fa ne hen ape ne dugh ne ve ga.

Me kaa ne, ka nahan ga, kape ne cii kpaa né tim ne, saa nea gema asema.

Una gema A kaa er: M kaan ne, M fa hen ape ne dugh ne ve ga; kar nen heen sha, ne mba eren uifermbatomov cii.

Tsô A kaa er: Tartor u Aôndo ngu er nyi nahana? Ka sha nyi je man Me kar u? Ngu er ishange i masetadi i or ka nan tôô, nan ta ken sule u nan; i mende i hingir kon, inyon i sha i va i va wa aya sha agbaa a na.