Popular Bible Verses from Luka 1

Share

Gadia ma kwagh môm u a hembe Aôndo u eren un yô, ngu ga.

Tsô Maria kaa er; Nenge, mo kpankwase u Ter, m ngun; i̱ erem sha mkaanem ou. Tsô ortyom la undu un.

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Saan un u a ne jighjigh la, iyol, gadia kwagh u Ter kaa un la, á va er sha mi vough.

Nenge, ú va wa iyav, ú mar wan u nomso, ú ii Un iti wer Yesu. Un, Una lu Zegeor, á yilan Un er Wan u Uhembansha; Ter Aôndo kpaa Una na Un ikônough ki torough ki Ter Na Davidi. Una lu tor ken ya u Yakob gbem sha won; tartor Na kpaa ua bee mayange ga.

Ortyom la kaa a na er: De cie ga, Maria, gadia u zua a mrumun u sha mhôôn her Aôndo.