Popular Bible Verses from Saŋ 13

Share

Mee ron yeɗ túuƴë⁠ˈ has ɗa ee : lah fëhëntíi hanndal kon. Di faha⁠ˈ mi ron, lah fëhëntíi ɗaaha hanndal kon. Ɗon fahanta⁠ˈ hanndal kon raa, tígí daaha ɓëewë ɓéeɓ ay yúh biti ɗon taalibe yi so⁠ˈ.⁠ ⁠»

Hém so⁠ˈ mi Yíkëen, so⁠ˈ mi yëeddëhën, daa mi hos kotton raa, kon ɗon warutee hosanta⁠ˈ kot hanndal kon ɓal. Ɗon ot mi pagiɗ ɗon yii bah, ɗeef mi faha⁠ˈ biti ɗon pagee ri ɗaaha.

Yéesú won ɗi tih : « ⁠ ⁠Fu yéeh iti fi yee na paŋ mi ra doom, fay rii yúhé fayu.⁠ ⁠»

Mee ron won kaaf ka ra ee : súrgë lukeh kélfíi gaan, ɓëe⁠ˈ wolu ra lukeh ɓëe⁠ˈ wol ri ra gaan.

Bee yúhúu ron iñƴaa leegi ra, ɗon ñee na raa, keeññon ay sos.

Ɗaaha, ɗi kolohte loona, níssé búubí, ɓeɓpe ndíimú moosaa pokke kinohi, antee ɓeɓ if, túmpé muluɓ, ñeete taalibe yi na, na hos kotti wa ; bi ri hosiɗ ɗi kotti ɓéeɓ, ɗi moosiɗ ɗi wa a ndíimëe pok ɗi kinohi ra.