Popular Bible Verses from Dalaana 3

Share

Tígí daaha, ɓelaa otte biti koy kilka neɓpe yeel, te waɗtee ɗok, te ɓekaꞌ ow biti fu ñam na raa, afu ay kúnsëh, fu yúh ɓéeɓ nen. Ɓelaa sakke na koy kilka, ñampe. Bi ɓani ƴaala daa húmú, ɗi yeɗte ri na, ƴaala ñampe ɓal.

Bín fë, ɗeef goŋ daa húmú lukki lah nuf di raɓɓa luufa sak Koo-Yahwee ra ɓéeɓ⁠ ⁠; ɗi acce won ɓelaa tih⁠ ⁠: «⁠ ⁠Koope wonte ron kah-kah biti ɗon ɓanuy naa ñam koy kilikka meeya ɓéeɓ ë⁠ ⁠?⁠ ⁠»

May yah hanndal ki ɗoni ɓelaa, a hanndal ki talu a tali. Tali ay poo afu, te fay rii ɗoɓ púgúlúɓ.⁠ ⁠»

Koope antee yíssëh ɓelaa na won ɗi tih⁠ ⁠: «⁠ ⁠May paŋ níi fu mok lool biti fu hen loo, te fu ƴahti lah koy raa, ay misik níi misik. Fay fahee leɓohi ƴaalu, te ri nay roo ílífé.⁠ ⁠»

Fay pesee opaꞌu níi bín nimilaa fu feey fa yugusuu fu ra, ndée fu yugusuu a feey, te fay wëegís fu henaat feey.⁠ ⁠»

Ɗi míllëꞌ ɓëyí ƴaala na, won ɗi tih⁠ ⁠: «⁠ ⁠Fu ñeete woni ɓeleɓu níi fu ñampe na koy kilka kaddaꞌ mi ro ra neh a⁠ ⁠? Dalaꞌte woteh, feey fa lecce af yee paŋ fu ra. Yee tas fíi rë, fay mok balaa fu ɗúhíɗ në yii nay fuu ñame.

Koope won ɗi tih⁠ ⁠: «⁠ ⁠Fu yúhëꞌ biti fu hom faan holoŋ ɗíh⁠ ⁠? Fu ñampe na koy kilka kaddaꞌ mi ro ra woo⁠ ⁠?⁠ ⁠»

Filoon fi bee líkëꞌ rí wë meeya ra, Koo-Yahwee ɓeɓpe i sérúbím, tíkké wë ílí meeya Eden, di púlëen naꞌ. Wa habu jépíllí na ñah kíi, na fililoh hatinna ɓéeɓ. Daa wa na wohu waala saañ kilka na onaꞌ pes ra.

Ɓëeꞌ hínú Aadama. Ɗi yeɗte ɓeleɓi tii Aawa (daa ri⁠ ⁠: pes), biti daa ri ciffi ɓëyí në pes ɓéeɓ.