Popular Bible Verses from Lukas 13

Share

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Den baine jio, sangpulo karuamo taunna sopok, nasaba' natamaii setang, na te'da nakullei maruruh jenjen, sanga bukku'i. Ia tonna kitami Puang Isa joo baine, natambaimi nakua, “Ee indo', la'pahmoko jio mai sopokkomu!”

Nakaka'i Puang Isa joo baine bukku', nata'pa maruruh jenjen nampakala'bih Puang Allataala.

Buda tau to tangdikasiri' la menjaji todikasiri' keanu'. Na buda tau to dikasiri' tee too la menjaji totangdikasiri' keanu'.”

Ia ke malemi to ampu bola llacak bolana, la jenjen bangmo kamu' jio salean ammimeta'da kumua, ‘Oo, ampu bola! Timbakanpakan bolata'!’ La mebalii joo ampu bola nakua, ‘Te'da kuissenni topole umbora kamu'!’

Te'da lalo ia! Apa la miingaranni, ia ke te'da mimengkatoba' jio mai dosami, pada la masolang too kamu'.”

Apa la nakuan pole' kamu' joo ampu bola kumua, ‘Ee togaja', palai kamu' ntee! Te'da kuissenni topole umbora kamu'.’

Mekutanai Puang Isa nakua, “Ianna mangparentamo Puang Allataala susi Raja, apara to la dipasirapanganni na apara to la kupapadanni? Wa'ding dipasangrapang sanglise' sawi, naala tau natananni jio bara'bahna. Ia tonna tuomo, lobohmi anna membarana', namesserang to manuk-manuk jio tangkena.”