Popular Bible Verses from Genesis 50

Share

Arringkerr atyeng ilkelhey-angenh irrek Egypt-areny-rnem ayenh anthemel. Akngeyel ayenh arntarnt-arekarl. Atyeng-angkwarran Akngeyel ikwerenh-rnem arntarnt-arek, itethilek.

Joseph-el renh-rnem ilek, “Aterirrey-angenh. Ayengan Akngey-wenyarl.

Alakenh-anyem-kety arringkerr aterirrey-angenh anetyek. Atharl arrenhingkerr arntarnt-arem, aler arrekingkerrenh-rnem-then. Ikwer-penhan rernem mwerrant-arey-anem anenh.”

‘Arringkerr Joseph ayernetyek, mwerrant-arey arringkerr anetyek, arringkerrarl apmwel-areth ikwer anenh.’ ” Ra angka awek-penh, Joseph artnek-anem.

Joseph ra awayikw ikwerenh-rnem ilelhek, “Arrer-anem ayeng ilwetyek-anem. Akngeyel anwenhingkerr arntarnt-arem, apmer rarl Abraham ingkerrenh alhelek ikwer-warl, Abraham-ek, Isaac-ek, Jacob-ek.”

Rap renh-rnem ilek, “Arringkerr arraty ayenh iletyek. Ayeng ilwenty, arrewaly ayenh aknga Akngeyel arrenhingkerr atnwenheyneyel apmer Canaan ikwer-warl, ikwer-itwek akwernetyek.” Kel rernem renh arraty ilek.

Joseph aherrety 110 irrekel-anem, ra ilwek. Rernem arrewaly anterel-anem apernek, rag-el ataperrelemel, coffin-warl arrernemel.