Popular Bible Verses from Exodus 2

Share

Akngeyel renh-rnem awek, ranem iterrek renh-rnem arntarnt-arayntetyek iylpelirrey-angenh, rarl arrwekeleny-rnem arrwekel alhelek-angkwarr, Abraham-then Isaac-then Jacob-then, ingkern-penh-rnem arntarnt-arayntetyek. Akngeyel Israel-kenh-rnem arek-penh, rap ikwer-rnem amperrngirrek.

Ingwer-ingeran Pharaoh weth Egypt-areny ilwek-anem. Egypt-arenyel-rnem irrwampenh-anthenh-antey Israel-kenh-rnem, iparrp warrkirretyek. Intem-antey atwemel warrkemilemel. Israel-kenh-rnem arlkek, “Akngeyay! Anwenhantherr arntarnt-araw Egypt-areny-rnem-kety!”

Ikwer-penh ampa ra alkenhirrek, arlkwenty-iperr-anem. Amikw ikwerenhel akngeynek Pharaoh-kenh alerikw-warl, antheynek renh. Ampa akely renh ikwerenh-anem alkenhilek aleyak ra. Ra itnewek-anem renh Moses, alakenh anayntileyel, “Atharl weth inek kwaty-itwek.”

Kwey aleyakel amikw awey-kenhek ilek, “Ampa nhenh aknga, aylpatyel anthwengiletyek. Ampa arntarnt-arerl-aynta, atha ngenh man anthey-akenh.” Kel amikw ikwerenhel renh apmer-warl akngeynek, arntarnt-arerl-ayntetyek, aylpatyel anthwengiletyek.

Ikwer-penh Pharaoh-kenh alerikw aleyak ilkwa ra alhek kwaty lher-warl, pwerlpirretyek. Kwaty lher impalthel ra alhenh apenng-angketyarrel, arelh warrkenh akngerrel renh apentenh. Ra alhenh, rap rtnwa renh arek kwaty-itwek apenng-angketyarr-itwek. Arelh warrkenh anyent ra ilek, “Nhak alhay inetyek!”

Moses ilkwerrek, artwanem ra. Ingwer-inger ra alhek Israel-kenh warrkenh-rnem-warl, ikwerenh-rnem-warl. Ra arek, rernemarl artewentyel warrkirrek. Egypt-areny anyent ra arek, rarl whip-el artwa Israel-kenh atwek arnterr. Moses ra artepang arelhek, ingwerentyel arekerr. Arrangkw. Ra iterrek, “Anyentaw ayeng, atha atwetyek!” Ahelengkw renh-anem atwek Moses-el, ipmek-antey ra atwek, arrewaly renh irrkewarl akwernetyek. Rap alpek-anem apmer-warl.