Popular Bible Verses from Colossians 3

Share

Arrantherr iparrp anamerl ahelerrey-angenh. Ingkart-areny ingwerel arrenhantherrenh iltenty, arrantherr renh ilteyney-angenh. Kel menty renh atwey-angenh, Christ-el arrenhantherrenh menty atwey-angenh-apeny.

Arrantherr-anem anterr iterreyew irrwerl-areny-wenh-angkwarr, ahern-areny-wenh-angkwarr-weny.

Arrantherr iylpareth iytekerr-antey atnwenterrey-angenh warrkerreyew Ingkartew, ahern-arenyew warrkerrey-angenh.

Ingkart arrewantherr ilkelheyel ingkerrenhew. Alakenh ra iwerr mpwarew ingkerrenhew arrwekel-antey, ingkerrenhel renh arraty-angkwarr apenteyew, rernem ingwer-rnemew amperrngerreyew atwey-angenh, rernem nakelhey-angenh ingkerrenh mwerrant-arey aneyew.

Christ-wenh angkew iterreyew, arraty akaltyel ingwer-rnem akalty-anthaynteyew, mwerr ilelhemel. Arrantherr aylelhey-angker, psalm-then aylelh-aynteyew, Ingkartew inkwerelheyew. Arrantherr angkerreyew Ingkart-wenh-angkwarr, arrantherr intem-antey Ingkart Jesus-ew iterreyew. Ingkart Akngeyew inkwerelhemel, Jesus-wenh-angkwarr.

Kel mwerrant-arey ingkerrenhew aneyew. Ikwer-penh arrantherr anyent-apeny anem.

Ingkartel arrenhantherrenh itethelew, Jesus Christ-angkwarr. Arrantherr-anem Ingkart-wenh-angkwarr anterr iterreyew, Ingkart-wenh apmerew iterreyew. Christ ra Akngey-itwel aneyel.

Arrantherr ingkerrenh arlka anyent-apeny aneyel, Jesus Christ-wenh. Christ-el arrenhantherrenh ayerrpelew mwerrant-arey ingkerr inkwerelheyew. Mwerrant-arey atwerrey-angenh anaynteyew Ingkart ikwer inkwerelhemel.

Alakenh-anyem arrantherr ahern-arenyew inkwerelhey-angenh. Arrantherr apmwangkwarr alheyel-rnemew inkwerelhey-angenh. Arwa alhewer ingwer alwernerrey-angenh anterneyew, apmwangkwarr iterrey-angenh. Ampwal ingwer-wenhew iterrey-angenh ngkweng ineyew. Alakenh-anyem Ingkart-wenh-angkwarr irrtywerreyelarl.

Arrantherr ahern-areny-wety ywerrew-apeny, Christ-wenh-angkwarr anyenterremel. Arrantherr innganem Christ-angkwarr intem-antey iteth aney-alpeyenh. Ahern-arenyel arey-angenh, Ingkartelant areyel.

Aleyan arrantherr apmwangkwarr apentey-angenh. Ingwer-rnemew ahelerrey-angenh, iltey-angenh, irrentey-angenh aneyew.

Arrantherr apmwewety ipmelhew. Arrantherr ingwerew irrtywerrey-angenh. Arrantherr kel rlengkeny-anem, Jesus-wenh-angkwarr. Ingkartel arrenhantherrenh intem-antey akalty-antheyel, rapeny-anem irreyew, akalty innga irreyew.

Artwernem, arrantherr anew-rnem mwerr arntarnt-araynteyew. Arrantherr renh-rnem atwey-angenh.

Ampernem aleth amewikw aynewikw awelh-aynteyew, Ingkartarl ilkelheyel-angkwarr. Ingkart-wenh-angkwarr alakenh aynteyel.

Arelh-rnem, artwew awelh-aynteyew. Alakenh Ingkart-wenh-angkwarr arraty aneyel.