Anantherran Akngey nakem, arrantherrarl renh mwerr-angkwarr apenteyel. Anantherrarl angkem Akngey-warl-athek, renhap ayern-ayntem arrewantherr. Anantherr iterl-areyel, arrantherrarl warrk mwerr-angker mpwarem intem, rlterrk iterremel ikwer. Arrantherran inngarl ilkelheyel ingwer-rnemew, mwerr-angker-then intem mpwareyel ikwer-rnemew. Arrantherrap rlterrk anem, ingwer-rnemelarl arrenhantherrenh irrwernem-angkwarran. Arrantherr arternp arntarnt-arelheyel, Jesus rarl apetyeyenhew angkep.