Popular Bible Verses from ŊWED MBON PHILIPPI 4

Share

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

Ndien emem Abasi, emi ayaŋade ifiɔk owo, eyekpeme mbufo esit ye ekikere ke Christ Jesus.

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

Mmenyene ukeme ndinam kpukpru ŋkpɔ ke odudu Andisɔŋɔ mi idem.

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.

Abasi mi eyenɔ mbufo kpukpru se inanade mbufo ɔyɔhɔ-ɔyɔhɔ, nte inyene eke Enye enyenede ke ubɔŋ edide ke Christ Jesus.

Se mbufo ekekpepde ekenyuŋ ebɔde mi ke ubɔk, enyuŋ ekopde enyuŋ ekutde ete nanam, mbufo etiene enam; ndien Abasi emem eyedu ye mbufo.

Eyak kpukpru owo ekut ete emetim ekara esit mbufo. Ɔbɔŋ ke ekpere.

Mmɔdiɔŋɔ ndidu ke usuhɔre-itie, mmonyuŋ ndiɔŋɔ ndinyene ŋkpɔ uwak-uwak. Ke kpukpru itie ye ke kpukpru ebiet, emehe mi ndidia nyuhɔ, ndiyuŋ ntie biɔŋ; ndinyene ŋkpɔ uwak-uwak, ndiyuŋ nnana ŋkpɔ.

Ntiŋke nte owo unana; koro mmekpep nditie ke oruk itie ekededi eke ntiede ye inem.