Popular Bible Verses from MARK 14

Share

Enye onyuŋ ɔdɔhɔ ete, Abba, Ete, Afo emekeme ndinam kpukpru ŋkpɔ: men cup ke iso Mi fep: edi okudi nte Ami nnyimede, edi nte Afo onyimede.

Ekpeme enyuŋ ebɔŋ akam, mbak mbufo ediduk ke idomo.

Ke akpanikɔ ke ndɔhɔ mbufo, Ebiet ekededi eke edikwɔrɔde gospel ke ofuri ererimbot, eyenyuŋ etiŋ se ŋwan emi akanamde, ndida nti enye.

Enye onyuŋ ɔdɔhɔ mmɔ ete, Ukpɔŋ Mi ɔfuhɔ eti-eti tutu ekpere mkpa; mbufo etie mi ekpeme.

Ekem nte mmɔ ediade, Enye emen uyo, ndien ke ama ɔkɔdiɔŋ, obuŋ onyuŋ ɔnɔ mmɔ, ete, Ebɔ: emi edi ikpɔhidem Mi.

Enye onyuŋ emen cup, ndien ke Enye ama ɔkɔnɔ ekɔm, ayak ɔnɔ mmɔ kpukpru mmɔ enyuŋ eŋwɔŋ. Ndien Enye ɔdɔhɔ mmɔ ete, Emi edi iyip Mi, eke ediomi, emi eduɔkde kabaŋa ediwak owo.

Ndien Jesus ɔdɔhɔ mmɔ ete, Kpukpru mbufo eyeduɔŋɔ ke idomo; koro ewetde ete, Nyewot ekpemerɔŋ, ndien erɔŋ eyesuana.

Edaha ke enyɔŋ, nnyin inyɔŋ. Sese, owo eke adade Mi ɔnɔ ke ekpere.

Edi Jesus ɔdɔhɔ enye ete, Ke akpanikɔ ke ndɔhɔ fi nte, Mfin emi, kpa ke okoneyo emi, ke ini ekikɔ mikpɔkke kaŋa utim ikaba, afo eyekaŋ Mi utim ikata.