Popular Bible Verses from LUKE 17

Share

Ndien Enye ɔdɔhɔ owo oro ete, Daha, nyɔŋ okuo: mbuɔtidem ama anam idem ɔsɔŋ fi.

Edieke enye eduede fi utim ikatiaba ke usen kiet, onyuŋ afiakde etiene fi utim ikatiaba ke usen kiet edidɔhɔ ete, Mmatua mkpɔfiɔk; ana nte afo adahado ɔnɔ enye.

Edikem nte mmɔ esaŋade eka, enam mmɔ esana. Edi ke ini owo mmɔ kiet okutde ete ema enam udɔŋɔ okure imɔ, afiak edi editoro Abasi ke ɔkpɔsɔŋ uyo; onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria.

Etim ekpeme idem mbufo; edieke eyen-ete fo eduede fi, sua nɔ enye; ndien edieke enye atuade mkpɔfiɔk dahado nɔ enye.

Edi Jesus ete, Nte ikanamke owo mboduop esana? owo usukkiet enye?

Edi Ɔbɔŋ ete, Edieke mbufo enyenede mbuɔtidem eke etiede nte mkpasip mustard, mbufo ekpɔdɔhɔ eto sycamine emi ete, Wuhɔre mi ke ebiet emi, ka kɔwuhɔ ke inyaŋ; ndien enye akpanam uyo mbufo.

Owo eke oyomde ndiyaŋa uwem esie eyeduɔk enye: edi owo eke ɔduɔkde uwem esie eyenyaŋa enye.

ENYE onyuŋ ɔdɔhɔ mbet Esie ete, Ana nte ŋkpɔ iduɔ edu; edi eyedɔdiɔk ɔnɔ owo eke adade mmɔ edi. Ɔkpɔfɔn ye enye owo ndikpada itiat-ɔkɔk ibo-kpot ŋkɔŋɔ enye ke itɔŋ, ndien eduɔk enye ke inyaŋ, akan enye ndinam ŋkpri nditɔ emi kiet ɔduɔ.

Ndien nte ekedide ke eyo Noah, kpa ntre ke edidi ke usen Eyen Owo. Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru.