Popular Bible Verses from JOHN 12

Share

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

Owo eke amade uwem esie ɔduɔk uwem esie; edi owo eke asuade uwem esie ke ererimbot emi eyemum uwem esie onim tutu osim uwem nsinsi.

Ke akpanikɔ ke ndɔhɔ mbufo, Adaŋa nte mkpasip ibokpot miduɔhɔ isine ke esit isɔŋ ikpa, enye osuk odu ke idem esie ikpɔŋ; edi enye ama akpa, oŋwum ekese mfri.

Mmedi nte uŋwana ke ererimbot, man owo ekededi eke ɔbuɔtde idem ye ami okusuk odu ke ekim.

Ndien edieke owo ekededi okopde mme ikɔ Mi, onyuŋ etrede ndimum mmɔ ŋkama, ami mbiereke ikpe nnɔ enye: koro ŋkedige ndibiere ikpe nnɔ ererimbot, edi ŋkedi ndinyaŋa ererimbot.

Ekem Mary ada ata nsɔŋ-urua edifuɔŋ aran spikenard, ke udop pound kiet, eyet Jesus ukot. Onyuŋ ada idet esie ɔkwɔhɔre Enye ukot: ndien ufɔk ɔyɔhɔ ye edinem ufuɔŋ aran oro.

mmɔ eda ndak eyop ewɔŋɔ eka ekosobo ye Enye, enyuŋ efiori ete, Hosanna: Itoro enyene Enye emi edide ke enyiŋ Jehovah, Kpa Edidem Israel.

Jesus ɔbɔrɔ mmɔ ete, Ekem ini emi Eyen Owo edinyenede ubɔŋ.