Popular Bible Verses from HAGGAI 1

Share

Jehovah mme udim ɔdɔhɔ kemi, ndien, ete, Mbufo etim ekere usuŋ mbufo. Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

Mbufo edɔk ke obot eda eto edi, enyuŋ ebɔp ufɔk emi, ndien enye eyenem mi esit, nyenyuŋ nda ukpono, Jehovah ɔdɔhɔ. Mbufo ke edori enyin ke uwak, ndien sese esisit; ndien ke ini mbufo edade enye edi ke ufɔk, ami mfuri ke esit. Ke abaŋa nso? Jehovah mme udim ɔdɔhɔ. Ke abaŋa ufɔk mi emi abiarade ntem; ndien mbufo kpukpru efeŋe eka ufɔk mbufo.