Popular Bible Verses from GENESIS 6

Share

Ndien Jehovah atua ŋkpɔfiɔk koro enye akanamde owo ke isɔŋ, esit onyuŋ ayat enye.

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

Edi Noah okut mfɔn ke iso Jehovah.

Emi edi mbuk emana Noah: Noah enen oyuŋ ɔfɔn ama ke eyo esie

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

EDIKEM, ke owo etɔŋɔde ndiwak ke iso isɔŋ, nditɔ-iban enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ. Ndien Jehovah ɔdɔhɔ, ete, Spirit mi idiŋwanake ye owo ke nsinsi, ke eridue emi mmɔ eduede mmɔ edi obuk, edi usen mmɔ eyedi isua ikie ye edip. Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.

Ndien Noah anam kpukpru se Abasi eketemede enye, ntem ke enye anam.

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

Da eto gopher nam ubom nɔ idem fo: nam ŋkpri ufɔk ke ubom oro, nyuŋ yet enye itai ke esit ye ke edem.

Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ.

Ke kpukpru se idude uwem ke kpukpru obukidem, afo edinyuŋ ada iba iba ke kpukpru oduk ke ubom, kpaŋ okponim mmɔ ke uwem ye afo; mmɔ edidi nyara ye uman.