Popular Bible Verses from LUK 17

Share

Hikani i Jisas mo kwaha maia mo viti kwara, “Karea, ko maraka ko vano, a nomu hauhuriana u vaiko vae ku ahi.”

Vake diko u vaivai hati vovohiko vakaibitu lo rani katukwale, vunu vatavatahaki na taroki hi vakaibitu mo vanamai vaki maiko mo viti kwara, ‘Hikani nu bohi na domigu ba lo kinau hini,’ vae kona domidomi koro lakwae.”

Vae katukwale tiura mo tagaia kwara a tarabehina u ngwasara, mo mulemai taliku vaki mai Jisas mo kaluhaki God kina dilao huira. Mo sovi hivo vaki lo tano mana garu i Jisas, mo lagwakinia. A ngwera hi aia a ngwera Sameria.

!Tulu tagahuri ne karea!” Vunu i Jisas mo viti vake kwara, “Diko i tuamu tea u vaivai hati, ko kwaha karakara maia, vae diko mo bohi na domina ko domidomi koro lakwae.

Hikani i Jisas mo kwaha mo viti kwara, “?Kworohokinia? ?Nu domi kwara a tangaloi hangavulu rau ngwasara, vae kaihikwa aira ave?

A Hugwe mo daraki mo viti kwara, “Diko a nomiu hauhuriana u kelekele vohoki, hoki na biu na vibaga hinea kelekele bise, vae tulu ne viti lai lakwa na vikatabola kwara, ‘Ko mavuraki tina mahao hika ko va tu lolo livukai tahi.’ Vae a vikai hi ne rongohurikamu.”

Diko te tangaloi u vai kwara ne uti na mamaurianana ne vai salakinia, vae ihe hinea ne vai salaki na mamaurianana ne ahi.

I Jisas mo kwaha mana nona ngwalagelo mo viti kwara, “A kinau u rusa vae rana vanamai, rana vai lavi na tangaloi rana sovi tilolo vaivai hati. Vae a rongoana hati lakua lakwa na tangaloi hinea ne lavira vanamai. Diko ne sinasina na tangaloi te katukwale tiura hi rahe huira tea lo noga hauhuriana, vae ne sovi tilolo vaivai hati, ne kwali na kakadiki huria, u huira haburu. Ne siletia hinea kwara vae diko te tangaloi ne likoti na vatu lakua lo kusuna, ne vohokinia tilolo tahi ne dono.

I nau a Natu na Tangaloi, a doridori na tangaloi rana vaira lo tarogu ne hoki na doridori na tangaloi ramo toko vai lo taro i Noa. Vunuvunuhi na tangaloi rau kanikani rau inuinu, a ngwera mana vavine rau vilakilaki, vae rovonaki hi i Noa mo soro vaki lolo agana, a kwai mo huki, mo horo ramo mate lolona.