Popular Bible Verses from LUK 14

Share

mo viti kwara, “Diko te katukwale u lengaia kwara ne huriau, ne tauau tomua lo nona mauriana. Ne tauau tomua ti tamana, i retahina, i vavinehina, i raranatuna, i ratuana mai rahagwena. Aia ne halebohi tina doridorina tuai savia. Diko hetea, nehe kwareki te nogu ngwalagelo.

Diko te tangaloi he kwali na kaibetuna tea kwara ne huriau nehe kwareki te nogu ngwalagelo.

A tangaloi hinea rau lailai hakekinira siboga, vae i God ne lailai hivokinira. Vunu aira hinea rau lailai hivokinira siboga, vae i God ne lailai hakekinira.”

I Jisas mo gweregwerei na nona leo mo viti kwara, “Vae ne hokinia hi vohoki maikamu. Diko tulu nehe tiraki savi na nomiu kinau tea, tulu nehe huri laviau tea kwara tulu ne kwareki nogu ngwalagelo.”

“Diko te katukwale tikamu u lengaia kwara ne tabe na ingwa lakua, tomuaki ne hugu hivo ne domi harihariki na mata na kinau savia kwara vae ne boloki luna. Ne taga kwara vae a maneki ne taritarisa ne vai savia kinia. Vae diko hetea, nehe vai lai tea kwara ne vai vunuhi na ingwa hi vaki aulu, ne va rivuki na beruki kehekeheki, vae a tangaloi rana tagai na nona boloki rana mana tiehia luna. Rana viti kwara, ‘A tangaloi hikani mo tinakaki mo tabe na ingwa hi, vae he vai lai tea kwara ne vai rovonaki na bolokiki.’

Vae diko komo vai kanikani ko kware na tangaloi hinea rau kakaravika, aira hi a tarabehiga rau gogo, rau gwaugwau, a mataga rau dodo, rana vanamai vaki maiko. Vunu i God ne tabeko huri vae ranahe gele lai te lakwako. Vae lo rani aia hi i God ne rakati na tangaloi bakoto rana maraka taliku tina mateana, neri bete na kaitakwe lakwako.”

Vunu i Jisas mo viti kwara, “A solo u kokona a kinau karea, vae diko a kokonaki ne tikei, a halaki tikei kwara tana vaia ne kokona taliku. He karea tea kwara tana taua lo tano na rivurivu, vake he karea tea kwara tana rokea mana tae na buluki tana taua lo tano na rivurivu lo taroki. U karea kwara tana va vohokinia letiu. A gweromiu eia. Tulu rongohuri tabetabeki na leo vano hi.”