Popular Bible Verses from SIONE 21

Share

Ramo takwahi mo rovo, i Jisas mo uduhuri ki Saemon Pita mo viti kwara, “Saemon, natu i Sione. ?Ku lagwa maiau siletia hi a tangaloi aira vano hi rau lagwa maiau? ” I Saemon Pita mo daraki lakwae mo viti “Io, Hugwe*. I nigo ku kikilai kwara nu lagwa maiko.” I Jisas mo viti lakwae kwara, “Ko vangani na bulagu natu na sivsivi.” Vakairuaki i Jisas mo uduhuri kinia mo viti “Saemon, natu i Sione. ?Ku lagwa maiau?” Aia mo daraki mo viti kwara, “Io, Hugwe, i nigo ku kikilai kwara nu lagwa maiko.” Vunu i Jisas mo viti lakwae kwara, “Ko tagahuri na bulagu sivsivi.” I Jisas mo uduhuri kinia vakaitoluki mo viti “Saemon, natu i Sione. ?Ku lagwa maiau?” I Pita u rongo hati huri i Jisas mo uduhuri kinia hala na vakaitoluki kwara, “?Ku lagwa maiau?” Mo viti lakwae kwara, “Hugwe, i nigo ku kikilai vatavataha na kinau. Ku kikilai kwara i nau nu lagwa maiko.” I Jisas mo viti lakwae kwara, “Ko vangani na bulagu sivsivi.

Kareaki na viti lakwako, lolona hinea komo ngwalagelo komo kwahikwahi sibomu kina kwahimu, komo lakao takwanahavaki hi komo lengaia kwara kona vano, vae lo taroki hinea kona ngwarasea lakua kona hokaki na kabamu a tangaloi dolua ne sanibibiko, ne laviko vaki lo vanua hinea i nigo kohe lengaia te kwara kona vano eia.”

Mo kwaha maira mo viti kwara, “Tulu tuli na bulamiu kabe vaki lo ngwarasa na agamiu lo matuaki, vae tulu ne kwali hoko.” Hikani ramo tuli na bulaga kabe, vae rau reve loiloia tilolo agaga, huri a ika rau hola haburu, rau kwali kareakinia.

I Saemon Pita mo kwaha maira hi mo viti “I nau na va kwali ika.” Aira ramo viti lakwae kwara, “I kami vake kena huriko.” Hikani ramo vano ramo galo tilo aga, vae lolo bongi hi rahe kwali hoko te vohoki.