Popular Bible Verses from MAIKA 3

Share

Ma kinau a pura ki nakasuaana pae Naata ni Yehovah, go ki navasap̃otaeana, go ki namarimatuaana, naga aga noasai paki Yakob natapiriana aneana, go paki Israel namarinaleosaana aneana.

Nap̃au naatam̃oli kakana maga eu mari navasap̃otaeana raki ruku, go tea viri kakana maga eu pasa pisei ki raki namoriana, go profeta kakana maga eu kikita raki m̃ane: ma eu do ovi Yehovah, po naga, Yehovah e da doko m̃aleoputo kakagida, kite? Te nasaana ega wo da pakilina ki gida mau.

Ragi ega wo umai go euga wo pioso paki Yehovah, ma nae ega wo da pasadara ra mau: ega wo dasuru ki naraena paki da ragi wanogoe, nalakena namariana sa adeada maga waina eu mari ra.