Popular Bible Verses from MATAIO 5

Share

Go eu da dokoni nasulu, po doropusi a nawoka ni lasa totowo waina e dap̃olo siwo doko mau; ma eu dokoni a po lawo ki nia naliana; go e do magi tea maga mamau puti waina eu doko ekopu ni nasum̃a maramalaga. Namarama animu ega to maramalaga narae ni naatam̃oli maga ega tapala nogoe, naga euga vunusi namariana wia animu maga, po samasamani Tamamu waina e doko nakoroatelagi doko.

Nimu ku pei namarama ni maramana. Natokoana waina e doko tava e pe ta sili mau.

Tea maga waina eu dautau pae nap̃op̃oda eu maropa: nalakena nara euga wo punusi Sup̃e.

Tea maga waina eu do pitolo po do madou raki namarinaleoleanaana eu maropa: nalakena nara euga wo puka.

Kuga dodomi tea maga waina eu kokona ki mu, go kuga magi tea maga waina eu do kopalele mu dapasavasa

Tea maga waina eu pei tea tika nalo ni naatada eu maropa: nalakena namarakiana ni nakoroatelagi e pei tea adeada.

Tea maga waina eu do atukorokoro eu maropa: nalakena nara euga wo pei tea sosoana ki Sup̃e natuna maga.

Tea maga waina eu do susue eu maropa: nalakena nara euga wo pei tea vasapakavakaleana.

Tea maga waina eu pei tea kopaleleana nalakena namarinaleoleanaana eu maropa: nalakena namarakiana ni nakoroatelagi e pei tea adeada.

Tea maga waina eu do dodomi eu maropa: nalakena nara euga wo pei tea dodomiana.

Ku maropa ragi waina euga wo pasa pinoa ki mu, po kopalele mu, po noa sorosoro sara namarinaleosaana dip̃a mu, nalakena kinau. Kuga laelaea, po sokamidi: nalakena namoriana animu e p̃arua nakoroatelagi: nalakena eu kopalele profeta maga waina eu pea ki mu e dapala nogoe.

Tea maga waina eu matemate eu maropa: nalakena nara euga wo peani navanua.

Nimu ku pei natasimena ni natano: ma nagagadiana ni natasimena e pe m̃elu, eu pe wo mari a ega wo moro gagadi ega tapale sava? E da moro p̃ia ki te navatuna mau, ma naga ega vei tea sapurakiana paki katama go naga ega vei tea vasiana ki nam̃ele ni naatam̃oli.

Nalakena tea wanogoe nimu kuga wialua, ega tapala waina Tamamu ni nakoroatelagi e p̃ialua.

Ma navasaana animu ega vei, Io, io; Ee, ee: go tea waina e p̃arua liu tea wanogoe e pei tea ni tea sa.

Ku dogo naga e pei tea noaana, Namata sikai ega tip̃a namata sikai, go napati sikai ega tip̃a napati sikai: ma kinau a noa ki mu, Kuga ta lawodugoro tea waina e sa mau: ma naata waina e dapagi ko nap̃orom̃a ni matua, p̃a moro doa paki nia nap̃orom̃a ni mawiri.

Go namatam̃a ni matua e pe mari ko ku pe tapilagona, p̃a vaku lua e, po nadi ki nia ega m̃elu dua ki‐go pano: nalakena e p̃ia ki‐go naga naleo kakam̃a sikai ega vuoli, go naga nap̃atokom̃a mamau ega ta pei tea nadikiana paki p̃okasi mau. Go nam̃elearum̃a ni matua e pe mari ko ku pe tapilagona, p̃a taekotovi a, po nadi ki nia ega m̃elu dua ki‐go p̃ano: nalakena e p̃ia ki‐go naga naleo kakam̃a sikai ega vuoli, go naga nap̃atokom̃a mamau ega ta paki p̃okasi pano mau.