Popular Bible Verses from LUKA 6

Share

tea tosokiana pakitano, tea nuanuakiana, tea vura peravera, euga wo pitua ki nia paki narum̃amu. Nalakena totowo waina ku dowogi asa ega wo moro manimu pei tea rowogiana asa.

Naatam̃oli wia e dapa lua tea wia m̃elu store wia ni nap̃op̃ona; go naatam̃oli sa e dape lua tea sa m̃elu store sa: nalakena nawokana e pasa m̃elu tea waina nap̃op̃ona e pura ki nia.

Ma kuga dodomi tea kokona ki mu maga, po mari m̃ata ki da, po pitua ki tea seakiana, po da leogoro te navatuna liliu mau; go namoriana animu ega wo p̃arua, go kuga wo pei Tea Vakilagi Mau natuna maga: nalakena nae e pei tea vakale paki tea maga waina eu da dodom̃ataki mau go tea sa maga.

Kuga vei tea maritadodomi, ega takiusi waina Tamamu e pei tea maritadodomi.

Go kuga ta pasap̃otae mau, go kuga wo da pei tea vasap̃otaeana mau: go kuga ta dip̃akotovi mau, go kuga wo da pei tea tip̃akotoviana mau: kuga veresi, go kuga wo pei tea veresiana: kuga vitua, go ega wo pei tea vituakiana paki mu; tea rowogiana wia

Ma a noa ki mu waina ku dogo, a naga, Kuga dodomi tea kokona ki mu maga, kuga mari m̃ataki tea maga waina eu pilosi mu, kuga vasa p̃ia ki tea maga waina eu pasa sa ki mu, kuga magi tea maga waina eu mari dao mu dapasavasa.

Go dapala waina ku masauna naga naatam̃oli maga euga mari paki mu, nimu ma kuga mari paki da ega takiusi a.

Tea waina e p̃okati ko napupum̃a sikai p̃a roa paki nia kerua; go tea waina e dapelua sugoro kovagoro anigo p̃a ta mauti a sugoro anigo mau. P̃a tua sara naata waina eu datagovi ko; go tea waina e dape lua naloriki anigo maga, p̃a ta datagovi liliua ki da mau.

Nalakena nakau wia sikai e da doko mau waina e dau ki nawana sa; go nakau sa sikai e da doko mau waina e dau ki nawana wia.

Nalakena sara nakau sikasikai eu pei tea ataeana ki nawada. Nalakena eu da lei napuliva maga m̃elu nakau vivitip̃a maga mau, go eu da lei nawa ni vaine maga m̃elu namatagauta sikai mau.