Popular Bible Verses from YOANE 21

Share

Go ragi waina eu ganikani sua, Yesu e noa ki Simon Petero, e naga, Simon natu ni Yoane, ku dodomi au p̃arua liu tea maga waia kite? E noa ki nia, e naga, Ioro, Nawota; nigo ku atae naga a dodomi ko. E noa ki nia, e naga, P̃a vagani shiip vusavusa aginau maga. E moro noa ki nia sala kerua, e naga, Simon, natu ni Yoane, ku dodomi au kite? E noa ki nia, e naga, Ioro, Nawota; nigo ku atae naga a dodomi ko. E noa ki nia, e naga, P̃a leo paratiki shiip aginau. E noa ki nia sala ketolu e naga, Simon, natu ni Yoane, ku dodomi au kite? Petero e susue nalakena e noa ki nia sala ketolu, e naga, Ku dodomi au kite? Go e noa ki nia, e naga, Nawota, nigo ku atae naleo maga mamau puti; nigo ku atae naga a dodomi ko. Yesu e noa ki nia, e naga, P̃a vagani shiip aginau.

Lomau, lomau, a noa ki‐go, naga Ragi waina ku pei natureai ku dum̃am̃a dasoki ko, po surata paki tokora waina ku masauna naga p̃a vaki asa: ma ragi waina p̃a wo pei tea matua, p̃a wo sai ki nam̃elearum̃a maga, go tea p̃ota sikai ega wo dasoki ko, po piragi ko paki tokora waina p̃a wo karai paki asa.

Go e noa ki da, e naga, Kuga siva ki kup̃ena paki taleva ni matua ni rarua, go kuga wo pap̃ai. Nalakena tea wanogoe eu siva ki nia, go eu da moro mari atae puati a umai mau, nalakena navata ni naika maga wanogoe.

Simon Petero e noa ki da, e naga, Aga va araika. Eu noa ki nia, eu naga, Nigida ma tuga mamau. Eu dave pano, po pagi rarua; go nap̃ogiana wanogoe eu da puati te navatuna mau.