Popular Bible Verses from YOANE 16

Share

A pasa ki mu tea maga wanogoe, naga kuga veani natam̃ateana au. Ku peani nariesokiana maramana: ma kuga marasike, kinau a marimatua ki maramana.

Ma ragi waina nae, Naatana ni nalomauana, ega wo umai, ega wo maraki mu pae napua paki nalomauana mamau: nalakena ega wo da dum̃ana pasa mau; ma ega wo pasa tea maga waina ega wo dogo ra: go ega wo noakisai mu tea maga waina euga wo umai.

Pa pa paki ragi waia ku da datago te navatuna pae nagisagu mau: kuga tatago, go kuga wo dape, naga nalaelaeaana animu ega vei tea vakavuroana.

Ma kinau a noa ki mu nalomauana; E p̃ia ki mu naga kinau aga vano: nalakena a pe ta pano mau, Tea Vasapakavakale e pe wo da umai punusi mu mau; ma a pe vano, a pe wo dip̃aki lua e umai punusi mu. Go nae, ragi waina ega wo umai, ega wo pasap̃ai maramana nalo ni namarinaleosaana, go nalo ni namarinaleoleanaana, go nalo ni navasap̃otaeana

Go nalakena tea wanogoe nimu ku peani nasusueana ragi waia: ma aga wo moro punusi mu, go nap̃op̃omu ega wo laelaea, go nalaelaeaana animu te naata sikai e da dape lua e kiamu mau. Go naaleatia wanogoe kuga wo da pusuusu paki nau ki te navatuna mau. Lomau, lomau, a noa ki mu, naga, Ku pe tatagovi Tamagu ki te navatuna, e pe wo dua mu asa pae nagisagu.

Lomau, lomau, a noa ki mu, naga nimu kuga wo dagi po lalagaarova, ma maramana ega wo laelaea: nimu kuga wo susue, ma nasusueana animu ega wo pei tea mariana ega vei nalaelaeaana.