Popular Bible Verses from YOANE 14

Share

Natam̃ateana a manimu ligiraki nia; natam̃ateana aginau a dua mu asa: kinau a da dua mu dapala waina maramana e pitua mau. Nap̃op̃omu ega ta dogo kite sa mau, go ega ta mataku mau.

Yesu e noa ki nia, e naga, Kinau a pei napua, go nalomauana, go namauriana: te naata e pe ta pae au mau, e pe ta umai punusi Tamagu mau.

Nap̃op̃omu ega ta dogo kite sa mau: kuga saralomau Sup̃e, go kuga saralomau au.

Ma Tea Vasapakavakale, Naatana Tapu, waina Tamagu ega wo dip̃aki lua e umai pae nagisagu, nae ega wo pasa piseiki mu naleo maga mamau puti, po mari mu kuga wo moro midoaki naleo maga mamau puti waina a noa ki sua mu ara.

Tea waina e peani natip̃akiana aginau maga, po do dogo paratiki da, nae e pei tea waina e dodomi au: go tea waina e dodomi au ega wo pei tea dodomiana pae Tamagu, go kinau aga wo dodomi a, po dum̃agu pisei ki nia au.

Go kinau aga wo pavarani Tamagu, go ega wo dua mu Tea Vasapakavakale p̃ota sikai, naga ega sikoti mu doko pa pa ega tu mau du, Naatana ni nalomauana: waina maramana e da mari atae dape a mau; nalakena e da leo punusi a mau, go e da atae a mau: nimu ku atae a; nalakena e doko sikoti mu doko, go ega wo doko nap̃alau mu.

Go tea waina ku pe wo datago asa pae nagisagu, tea wanogoe aga wo mari a, naga Tamagu ega vei tea samasamaniana Natuna. Ku pe tatago te navatuna pae nagisagu, kinau a pe wo mari a.

Ku pe dodomi au, ku pe wo dogo parati ki natip̃akiana aginau maga.

Nasum̃a ki Tamagu nasum̃atokoana laapa eu doko asa; e pe tika, a pe noa ki mu asa; nalakena a naga aga vano naga aga manimu mari m̃ata ki tokora sikai.

Go a pe vano po manimu mari m̃ata ki tokora sikai, a pe moro umai, go aga wo piragi lua mu umai punusi au; naga tokora waina kinau a doko asa, nimu ma kuga toko asa.

Toma e noa ki nia, e naga, Nawota, au da atae tokora waina ku naga p̃a vaki asa pano mau, go au atae napua dapale sava?