Popular Bible Verses from JENESIS 17

Share

Go ragi waina Abram e pei tea ni natau rualima loveti tamate loveti, Yehovah e pakilina ki Abram, po noa ki nia, e naga, Kinau a pei Sup̃e Kasua Mau; p̃a surata naraegu, go p̃a wia lua.

Go nagisam̃a ega ta moro pei tea sosoana ki Abram mau, ma nagisam̃a ega vei Abraham; nalakena a po mari ko ku pei tama ni nalauna laapa.

Go aga wo lawosoki navasasokiana aginau namawota kakagida go namawota kakagu ma naworaworam̃a waina euga wo edaku ki‐go sara tagona adeada, ega wo pei navasasokiana waina ega wo du du po du mau du, naga aga vei Sup̃e anigo go agi naworaworam̃a waina euga wo edaku ki‐go.

Kinau, p̃a leo, navasasokiana aginau e sikoti ko doko, go p̃a wo pei tama ni nalauna laapa.

Go Sup̃e e noa, Io, ma am̃agoroi Sarah ega wo manigo dape natum̃a naanoai sikai; go p̃a soso nagisana ki Isaak: go aga wo lawosoki navasasokiana aginau paki nia ega wo pei navasasokiana waina ega wo du du po du mau du agi naworaworana waina euga wo edaku ki nia.

Go aga wo dua mu ma naworaworam̃a waina euga wo edaku ki‐go, navanua ni nam̃enaki‐atatokoana anigo maga, navanua mamau ni Kanaan, ega wo pei naveaniana waina ega wo du du po du mau du; go aga wo pei Sup̃e adeada.

Go Abraham e dowo dap̃olosiwo, po muru, po noa nap̃op̃ona, e naga, Piakiki sikai ega wo magi tea ni natau p̃onotia sikai pakilina kite? Go Sarah, waina e pei tea ni natau rualima loveti, ega wo dape piakiki kite?

Go Sup̃e e noa ki Abraham, e naga, Am̃agoroi Sarai, p̃a ta soso nagisana ki Sarai mau, ma nagisana ega vei Sarah.

Go kuga vei tea tovadaviviana nawili vea ni nap̃okasimu; go ega wo pei navaivaiana ni navasasokiana namawota kakagu ma nimu.

Ma navasasokiana aginau aga wo lawosoki a paki Isaak, waina Sarah ega wo manigo dape a ragi waia ni natau waina e ko puoli.

Go tea ni naaleatia latolu ega vei tea tovadaviviana kakamu, sara naanoai ni sara tagona animu, tea waina e pakilina nasum̃a, go tea waina e pei tea vakotoviana ki m̃ane paki te naata p̃ota, waina e da pei tea ni naworaworam̃a mau. Tea waina e pakilina nasum̃a anigo, go tea waina e pei tea vakotoviana ki m̃ane anigo, e one ara one naga euga vei tea tovadaviviana: go navasasokiana aginau ega wo doko nap̃okasimu ega wo pei navasasokiana waina ega wo du du po du mau du.