Popular Bible Verses from APOSTOLO MAGA 11

Share

Go e pakilina, naga ero do saisai sikoti ekalesia natau mamau sikai po pasa piseiki taua warua sikai ni naatam̃oli maga: go tea vasapiseikiana maga eu pea pei tea sosoana ki Kristian maga Antiokia.

ragi waina e umai, po punusi nasaup̃iaana ki Sup̃e, e laelaea; go e pasa paratiki puti ra, naga euga vuluti Nawota ki namidoakisokiana ni nap̃op̃oda: nalakena e pei naatam̃oli wia sikai, go e pura ki Naatana Tapu go nasaralomauana: go taua warua sikai ni naatam̃oli maga eu sokari Nawota.

Go Sup̃e e pe tua ra navituam̃olikiana pataka ni tea waina e dua gida asa, ragi waina tu saralomau Nawota Yesu Kristo, kinau a pei sei naga aga mari atae dugoro Sup̃e? Go ragi waina eu dogo tea maga wanogoe, eu punuta, po pasasamasamani Sup̃e, po naga, Go Sup̃e e dua tea ni nalauna p̃ota maga namidoakidoaana paki namauriana.