Popular Bible Verses from उत्पत्ति 49

Share

यहूदा क परिवार क मनई राजा होइहीं। ओकरे परिवार क राज-चीन्हा सीलो। क अवाई स पहिले खतम न होइ। तब अनेक लोग ओकर हुकुम मनिहीं।

“यूसुफ बहोत सुफल अहइ। यूसुफ फलन स लदी भइ गवा क तरह अहइ। उ झरना क लगे जमी अंगूरे क गवा क तरह बाटइ, बाड़ा क सहारे जमी अंगूरे क गवा क तरह अहइ। ढेर मिला ओकरे खिलाफ भएन अउ ओसे लड़ेन। धनुर्धारी मनइयन ओकर दुस्मन होइ गवा।

मुला उ आपन सकतीवाला धनुख अउ फुर्ताला बाँहे स जुद्ध जीतेस। उ याकूब क सकतीवाला परमेस्सर गड़रियन, इस्राएल क चट्टान स सकती पावत ह। अउर आपन पिता क परमेस्सर स सकती पावत ह। परमेस्सर तोहका आसीर्बाद देइ। सर्वसक्तीमान परमेस्सर तोहका आसीर्बाद देइ। उ तोहका ऊपर स आसीर्बाद देइ अउर खाले गहिर समुद्दर स आसीर्बाद देइ। होइ सकत ह उ तोहका छाती अउ गरभ स आसीर्बाद देइ।

“यहूदा, तोहार भाईयन तोहार प्रसंसा करिहीं। तू आपन दुस्मनन क हरउब्या। तोहरे भाई तोहरे समन्वा निहुरिही। यहूदा उ सेर क नाईं अहइ जउन कउनो जनावर क मारे होइ। हे मोर पूत, तू उ सेर क तरह अहा जउन आपना सिकार क बाद अराम करई बरे सोइ जात ह। अउर कउनो ऍतना बहादुर नाही कि ओका छेड़ि देइ।

“रूबेन, तू मोर पहिलउटी क बेटवा अहा। तू मोर पहिलउटी क बेटवा अउ मोरी सकती क पहिला सबूत अहा। तू मोर सबहि बेटवन स जियादा इज्जतदार अउ बरिआर अहा। मुला तोहार उमंग बाढ़े का लहर क नाईं बेकाबू रहा। इसलिए तू मोर सबहि पूतन स जियादा सम्मानित पूत अउर नाही रहिसकब्या। तू आपन बाप क बिछाउना पइ चढया अउ ओकर पत्नियन मँ स एक क संग सोया। तू आपन पिता क बिछाउना क लज्जित किहेस ह।