Popular Bible Verses from निर्गमन 11

Share

तब यहोवा मूसा स कहेस, “मइँ फिरौन अउ मिस्र क खिलाफ एक ठु अउर बिपत लइ आउब। एकरे पाछे उ तू सबन्क मिस्र स पठइ देइ। असिल मँ उ तू पचन्क इ देस तजि देइ क मजबूर करी।

अउ मिस्र क सबइ पहिलौटी पूतन अउ मिस्र क राजा फिरौन क पहिलौटी बेटवा स लइके जाँत चलावइवाली नौकरानी तलक क पहिलौटी पूत मरि जाइ। पहिलौटी क पइदा भवा नर गोरू भी मरिहीं। मिस्र क समूचइ धरती पइ रोउब पीटब होइहीं। उ रोउब पीटब मिस्र मँ पुराने जमाने मँ कबहुँ भए रहेन कउनो भी रोउब पीटब स या आवइ वाल समइ मँ कबहुँ होइवाला रोउब पीटब से जियादा बुरा होइहीं।

तबहिं यहोवा मूसा स कहेस, “फिरौन तोहार बात सुनेस नाहीं। काहे? ऍह बरे कि मइँ आपन बड़की सक्ती क मिस्र मँ देखाइ सकउँ।”