Popular Bible Verses from KUTOLLO 3

Share

Theeletšang! Ke ema mojako ka kokota; ge motho a ka re ge a ekwa lentšu la ka a mpulela mojako, ke tla tsena mme ra ja mmogo.

Tše le di dirago ke a di tseba; ke a tseba gore ga le tonye ebile ga le fiše. Nke nkabe le tonya goba le fiša. Eupša ka ge le le boruthonyana fela – le sa fiše ebile le sa tonye – ke tla le tshwa ka molomong wa ka.

Gape nna ba ke ba ratago ke a ba kgala, ka ba otla. Ka gona, di išeng hlogong le sokologe.

Tše le di dirago ke a di tseba. Ke le buletše mojako wo o lego mo pele ga lena, gomme ga go motho yo a kago o tswalela. Ke a tseba gore ga le na maatla a mantši, eupša le latetše thuto ya ka, la mpotegela.

Yo a ka fenyago ke tla mo dudiša le nna setulong sa ka sa bogoši, go swana le nna ge ke fentše mme bjale ke dutše le Tate setulong sa gagwe sa bogoši.

Etse le re: ‘Re humile mme re atlegile; ga re hloke selo.’ Fela ga le tsebe gore le a hloiša, le hlomola pelo, le a diila, le foufetše, le itlhobotše.

Ka ge le phethile taelo ya ka ya gore le kgotlelele, le nna ke tla le lotola nakong ya moleko wo o tlilogo tla lefaseng ka moka go leka batho.

Ke kgauswi le go tla. Le sware seo le nago le sona le se tiiše, gore le se tlo amogwa ke motho sefoka sa lena.

Ka gona, itsošeng, le tsošološe dimpho tša Sekriste pele di hwela ruri. Gobane ke lemogile gore tše le di dirago ga sešo ya ba tše di lokilego go felela mahlong a Modimo wa ka.