Popular Bible Verses from DIEMA 6

Share

Go na le dilo tše tshelelago tše Morena a di hloilego, gabotsebotse ke tše di šupago tše di mo šišimišago: ke boikgogomošo, le go bolela maaka, le go bolaya ba ba se nago molato; ke go loga maanomabe, le lephakuphaku la go dira tše mpe; ke hlatse ya maaka, seaketšabatho, le twešameloko.

Wena sebodu, eya makekeng, o bone ka mo a phelago ka gona, gomme o ithute ka ona.

Sona se fetola ka go re: “Ke sa nyaka go robala gannyane, ke bo re šwaa, ke phuthe matsogo, ke bo fokotše gosenene.” Ge o ka no pompala, bodiidi bo tla go phuthuma bjalo ka mohlakodi, mohlako wa go tsetsela bjalo ka mokgopedi.

Ngwanaka, o phethe taelo tša tatago, le tše o di rutwago ke mmago o se di hlokomologe. O dule o di bolokile ka pelong ya gago, o ikgabiše ka tšona bjalo ka pheta molaleng.