Popular Bible Verses from DIEMA 26

Share

O se arabe lešilo ka mokgwa wa bošilo, wa tlo swana nalo. O arabe lešilo ka mokgwa wa bošilo, gore le se tlo itshema yo bohlale.

Lešilo le le boeletšago go dira bošilo bja lona le swana le mpša ye e boelago go ja mahlatša a yona.

Ge go se na dikgong, mollo o a tima; ge go se na lesebo, diphapano di a fela.

Yo a epelago bangwe mokoti go tla wela yena ka gare. Yo a kgokološago leswika le tla pšhatla yena.

Go na le kholofelo ya gore lešilo le ka kaonafala go phala moitshemabohlale.

Go itsenya diphapanong tša ba bangwe go swana le go swara mpšapheti ka ditsebe.