O se ke wa re: “Ke tla itefeletša;”
tshepha Morena, mme yena o tla go lamolela.

Bophelo bja motho bo laolwa ke Morena;
bjale motho a ka kwešiša bjang tše di mo hlagelago?

Letswalo la motho ke lebone la Morena,
le lekola boteng bja pelo ya motho.

Menagano ya motho ga e fihlelelwe,
e etša meetse ka bodibeng;
ke fela wa temogo yo a ka kgonago go mo utolliša yona.

Mpheane ga a kgone go uta sephiri;
o se ikopanye le difafatlane.

Go se itsenye diphapanong ke go ipha seriti;
ke setlaela fela se se ikgalefišago.

Yo a dirago tše di lokilego, mohlokabosodi,
bana ba gagwe ba na le mahlatse.

Popular Bible Verses from DIEMA 20

Free Reading Plans and Devotionals related to DIEMA 20