Popular Bible Verses from DIEMA 15

Share

Phetolo ye boleta e okobatša pefelo, mantšu a a kgopišago wona a a e gakatša.

Go boifa Morena ke go ithuta bohlale; pele motho a ka hlompšha o swanetše go ikokobetša.

Mantšu a go bea motho pelo a a mo tsošološa, a bofora ona a mo ferehla moyeng.

Wa go se kgopele maele o palelwa mererong, wa go a kgopela yena o a atlega.

Ge motho a thabile o ediša sefahlego, manyami ona a šegamiša motho.

Mahlo a Morena a mo gohle, a lebeletše ba babe le ba ba lokilego.

Mohloki yo a boifago Morena o phala mohumi wa go balabadišwa ke mahumo a gagwe.

Mofelapelwana o hlola phapano, mopelotelele yena o a e lamola.

Moloki o nagana pele a fetola, yo kgopo yena o kgabakgaba tše mpe ka ganong.