Popular Bible Verses from JOSHUA 1

Share

A ke re ke go laetše gore o be le sebete, o tie! O se ke wa boifa goba wa nolega moko, ka gobane nna, Morena Modimo wa gago, ke na le wena gohle mo o yago gona.”

Puku ye ya melao e balwe ka mehla tirelong ya lena. O ithute yona bošego le mosegare gore o tle o kgone go phela ka se sengwe le se sengwe se se ngwadilwego go yona. Ke moo o tlago atlega wa tšwelela.

Fela o be le sebete, o tie, mme o hlokomele gore o phele ka melao ka moka ye mohlanka wa ka, Moshe, a go filego yona. O se ke wa e tshela le gatee, gore o tle o atlege mo gongwe le mo gongwe mo o yago gona.

Joshua, ga go yo a ka tsogago a go fentše ge o sa phela. Ke tla ba nago bjalo ka ge ke bile le Moshe. Ke tla ba le wena ka mehla; nka se tsoge ke go tlogetše.

O be le sebete, o tie, ka gobane ke wena o tlago thopela setšhaba se naga ye, ye ke ilego ka enela borakgolokhukhu ba sona gore ke tla se fa yona.

Bjalo ka ge ke boditše Moshe, ke le file naga ka moka ye le tlago sepela go yona.

a re: “Mohlanka wa ka, Moshe, o hwile. Bjale itokiše, wena le setšhaba ka moka sa Israele, le tsheleng noka ye ya Jordane le tseneng nageng ye ke le fago yona.

Ge Moshe, mohlanka wa Morena, a hwile, Morena o ile a bolela le modiredi wa Moshe, Joshua, morwa wa Nunu

Mellwane ya lena e tla tloga lešokeng la ka borwa, ya fihla dithabeng tša Lebanone ka leboa; ka bohlabela e tla tloga nokeng ye kgolo ya Yufratese, ya putla naga ya Bahete, ya fihla Lewatleng la Mediteraniene ka bodikela.

Yo a nyatšago se o se bolelago goba a sa phethego ye nngwe ya ditaelo tša gago a bolawe. Tabakgolo ke gore o be le sebete, o tie!”

gore ba sepele le mešaša mme ba botše setšhaba ba re: “Lokišang mefago, ka gobane ka morago ga matšatši a mararo le tlile go tshela noka ya Jordane go yo thopa naga ye Morena Modimo wa lena a le fago yona.”