Popular Bible Verses from GENESE 37

Share

Bošegong bjo bongwe Josefa a lora toro, mme ge a e botša bomorwarragwe, bona ba mo hloya go fetišiša.

Jakobo o be a rata Josefa go feta barwa ba bangwe ba gagwe ka moka, ka gobane o mmelegetšwe mola a tšofetše. A mo rokela seaparo se setelele sa matsogo a matelele.

Ge bomorwarragwe ba bona gore tatagobona o rata Josefa go ba feta, ba hloya ngwanabobona kudu moo e lego gore ba be ba sa mmolediše ka botho.

Josefa a lora ye nngwe toro gomme a botša bomorwarragwe a re: “Ke lorile toro ye nngwe, ka bona letšatši le ngwedi le dinaledi tše lesome le e tee di nkobamela.”

BomorwarragoJosefa ba mo tsebafela, tatagwe yena a fela a gopodišiša taba yeo.

O ile a re: “Theetšang toro ye ke e lorilego. Ka moka ga rena re be re le mašemong re tlema dingata tša mabele, gomme ngata ya ka ya tsoga ya ema thwii. Tša lena tša dikologa ya ka, gomme tša e obamela.”

Tlang re mmolayeng, re mo lahlele ka moleteng wo mongwe. Re tla re o bolailwe ke sebata. Ke moo re tlago bona gore na ditoro tša gagwe di tla feletša kae.”

gomme ge bagwebi ba Bamidiane ba etla, bongwanaboJosefa ba mo ntšha moleteng, ba mo rekišetša Baishmaele ka dipapetlana tša silibera tše masome a mabedi; bona ba mo tšea ba ya naye Egepeta.

Ba boledišana ba re: “Raditoro yola šo o etla.

Ba mmona a sa le kgole, gomme pele ga ge a fihla go bona, ba kwana go mmolaya.

Se tšholleng madi. Mo lahleleng ka mo moleteng wo mo lešokeng, eupša le se ke la mo iša seatla.” A realo gore a mo phološe go bona gomme a mmušetše go tatagwe.