Popular Bible Verses from DOITERONOMIO 30

Share

Bjale ke le fa go ikgethela bophelo goba lehu, tšhegofatšo ya Modimo goba thogako ya gagwe, gomme ke bitša legodimo le lefase go tlo hlatsela gore le kgetha eng. Kgethang bophelo, gore lena le ditlogolo tša lena le tle le phele. Le rateng Morena Modimo wa lena, le mo theeletšeng, mme le mmotegeleng, gore le tle le dule nako ye telele nageng ye a enetšego borakgolokhukhu ba lena, Abrahama le Isaka le Jakobo, a re o tla ba fa yona.”

Ge le ka phetha ditaelo tša Morena Modimo wa lena tše ke le fago tšona lehono, ge le ka mo rata, la mo theeletša, mme la latela melao le melawana ya gagwe, gona le tla atlega mme la ba setšhaba se sentši. Morena Modimo wa lena o tla le šegofatša nageng ye le batametšego go e thopa.

“Lehono ke le fa go kgetha botse goba bobe, bophelo goba lehu.

Aowaa, e kgauswikgauswi le lena. Le a e tseba mme le ka e bolela ka hlogo, ka gona e phetheng.

Morena Modimo wa lena o tla dira gore lena le ditlogolo tša lena le mo theeletše, gore le tle le mo rate ka dipelo tša lena ka moka le ka moya wa lena ka moka, mme le tle le fele le dula moo nageng yeo.

Morena o tla le atla go tšohle tše le di dirago; le tla ba le bana ba bantši le diruiwa tše ntši, gomme mašemo a lena a tla le ntšhetša puno ye botse. O tla thabela go le atla bjalo ka ge a be a thabetše go atla borakgolokhukhu ba lena

Eupša ge le ka se mo theeletše, la gana go mo theetša, la foraforetšwa la direla medimo ye mengwe, ke le botša e sa le gonabjale gore le tla fedišwa taa. Le ka se phele nako ye telele nageng yela ya mošola wa Jordane ye le batametšego go e thopa.

“Taelo ye ke le fago yona lehono ga se ye thata kudu, ebile ga e kgole le lena.

Ga e kua legodimong mo le ka ba la botšiša la re: ‘Ke mang a tlago re namelela a re fegollela yona, gore re tle re e kwe re e phethe?’

Le gona ga e ka mošola wa lewatle mo le ka ba la botšiša la re: ‘Ke mang yo a tlago tshela lewatle a yo re tšeela yona, gore re tle re e kwe mme re e phethe?’