Popular Bible Verses from DOITERONOMIO 28

Share

“Ge le ka tloga le theetša Morena Modimo wa lena mme la botegela go phetha ditaelo ka moka tša gagwe tše ke le fago tšona lehono, o tla dira gore le fete ditšhaba tšohle tša lefase ka maatla.

Le theetše Morena Modimo wa lena, gomme ditšhegofatšo tše ka moka e tla ba tša lena, tša le aparela

Morena Modimo wa lena o tla dira setšhaba sa lena ketapele gare ga ditšhaba, e sego balatedi; le tla atlega ka mehla mme le ka se tsoge le šitilwe ke selo, ge le ka botegela go phetha ditaelo tša gagwe ka moka tše ke le fago tšona lehono mme la di latela.

O tla neša pula lebakeng la yona e etšwa polokelong ye kgolo kua legodimong, a šegofatša mešomo ya lena ka moka, gore le kgone go adima ditšhaba tše ntši, mme lena le se ke la adingwa selo go tšona.

“Morena o tla dira gore le fenye manaba ge a le hlasela. Ba tla le hlasela ba etšwa ka thoko e tee, eupša ge ba le tšhaba ba tla phatlalalela mathokong ohle.

“Morena Modimo wa lena o tla šegofatša mediro ya lena mme a tlatša dišego tša lena ka mabele. O tla le šegofatša nageng ye a le fago yona.

“Morena o tla šegofatša tšohle tše le di dirago.

“Morena o tla le šegofatša ge le le metseng ya lena le mašemong a lena.

“Morena o tla le šegofatša ka bana ba bantši, ka dibjalo tše ntšintši, le ka dikgomo le dihuswane tše ntši.

“Ge le ka theeletša Morena Modimo wa lena mme la dira tšohle tše a le laelago tšona, o tla le dira setšhaba se sekgethwa sa gagwe, bjalo ka ge a le enetše.

“Morena o tla šegofatša dišego tša lena le dinkgwa tša le di apeago.

Morena o tla le fa bana ba bantši, diruiwa tše ntši, le dibjalo tše ntši nageng ye a e enetšego borakgolokhukhu ba lena.

Ke moo ditšhaba ka moka lefaseng di tlago bona gore Morena o le dirile setšhaba sa gagwe, mme di tla le boifa.

Fela le se ke la tsoga le di tshetše ka mokgwa wo mongwenyana, goba la khunamela medimo ye mengwe la e direla.”

“Eupša ge le ka se theetše Morena Modimo wa lena, la se botegele go phetha ditaelo tša gagwe ka moka le melao ye ke le fago yona lehono, dithogako tše ka moka di tla le wela, tša le aparela