Popular Bible Verses from 1 JOHANESE 2

Share

Le se ke la rata lefase goba dilo tša lona. Ge motho a rata lefase ga a rate Tatagorena. Tšohle tše e lego tša lefase – tše nama e di dumago, le tše mpe tše mahlo a di dumago, le thoto ye motho a ikgantšhago ka yona – tšohle tšeo ga se tše di tšwago go Tatagorena, ke tše di tšwago go lefase.

Lefase le tša lona tše di dungwago ke batho di a feta, eupša yo a phethago thato ya Modimo yena o phelela ruri.

yo a rego o dula e le o tee le Modimo, a phele ka mokgwa wo Jesu Kriste a bego a phela ka wona.

Bana ba ka, ke le ngwalela ditaba tše gore le se dire dibe; eupša ge motho a ka tšhoga a dirile sebe, re na le Mmoleledi wa go re bolelela go Tatagorena, e lego yena Jesu Kriste, Moloki.

Yo a rego: “Ke a mo tseba,” etšwe a sa phethe ditaelo tša gagwe, o na le maaka, o hloka nnete ka pelong ya gagwe.

Gomme se re nago le nnete ya sona gore re tseba Modimo, ke ge re phetha ditaelo tša gagwe.

Yo a rego o mo seetšeng etšwe a hloile ngwanabo, o sa le leswiswing le gonabjale.

Bjale ke mang yo a nago le maaka? Ke yo a rego Jesu ga se yena Mesia. Yo mobjalo ke yena molwalekriste, o gana Tatagorena le Morwagwe.

Gobane yo a ganago Morwa wa Modimo, o gana le Tatagorena; yo a dumelago Morwa wa Modimo, o dumela le Tatagorena.