Popular Bible Verses from Йуһʼәнна 1

Share

Ле әԝед кӧ Әԝ ԛәбул кьрьн у баԝәрийа хԝә наве Ԝи анин, Әԝи да, кӧ һәԛийа ԝан һәбә бьбьнә зарʼед Хԝәде.

Дәстпебунеда Хәбәр һәбу. Хәбәр тʼәви Хԝәде бу у Хәбәр Хԝәха Хԝәде бу.

Рʼонайи тәʼристанийеда шәԝԛ дьдә у тәʼристанийе Пе нькарьбуйә.

У Хәбәр бу хун у гошт, бь кʼәрәм у рʼастийева тʼьжи нав мәда коне Хԝә дани. Мә рʼумәта Ԝи дит, әԝ рʼумәта Кӧрʼе Бавейи тайе тʼәне.

Һәр тьшт бь Ԝи әʼфьрин у бейи Ԝи тʼӧ тьшт нәԛәԝьми, чь кӧ ԛәԝьми. Канийа жийине Әԝ бу у жийин жи рʼонайа мәрьва бу.

Рʼожа дьне Йуһʼәнна дит кӧ Иса бәрбь ԝи те, әԝи гот: «Ва йә! Бәрхе Хԝәде, Йе кӧ гӧнед дьнйайе һьлдьдә!

Әԝ дьнйайеда бу у дьнйа пе Ԝи әʼфьри, ле дьнйайе Әԝ нас нәкьр. Әԝ һатә сәр ԝаре Хԝә, ле щьмәʼта Ԝи Әԝ ԛәбул нәкьр.

Рʼонайа рʼаст Әԝ ә, кʼижан кӧ те дьнйайе у һʼәму мәрьва рʼонайи дькә.

Чьмки Ԛанун бь дәсте Муса һатә дайине, кʼәрәм у рʼасти бь дәсте Иса Мәсиһ.