Popular Bible Verses from Марк 9

Share

Иисус ӂувап етти: «Йапабилӓрсейдин ми? Хепси вар ниӂӓ олсун оннар ичин, ким инанэр».

Озаман чоӂуун бобасы баарды /йашлан гӧзлериндӓ/: «Инанэрым, Сааби, йардым ет бана, енсейим инансызлыымы!»

Иисус, ачан гирди ичери, ӱӱрениӂилери йалнызкан сордулар Она: «Нечин биз чыкарамадык фена духу?» «Бу сойлар уурадылэрлар саде дуайлан /хем оручлан/», – ӂувап етти Иисус.

Туз иидир, ама еер туз дадыны кайбедӓрсейди, насыл ону енидӓн тузлу йапасыныз? Сиздӓ туз олсун, хем барышмакта йашайын».

«Ким кабледер бирисини бу ушаклардан Беним адыма, о Бени кабледер. Ким дӓ кабледер Бени, кабледер диил Бени, ама Ону, Ким Бени йоллады».

Хем ким /Беним адыма/ вереӂек бир чӧлмек су сизӓ, зерӓ сиз Христозун ӱӱрениӂилерийсиниз, доору сӧлеерим сизӓ, ани ӧдексиз калмайаӂэк.

Ама биркимсей гӱнаха дӱшӱрӓрсӓ бирини бу кӱчӱклердӓн, ани Бана инанэрлар, она таа ислӓӓ, бааласыннар бойнусуна бир бӱӱк дермен ташы да атсыннар дениз ичинӓ.

Еер гӧзӱн сени гӱнаха дӱшӱрӓрсӓ, чыкар ону. Таа ислӓӓ сана, гирӓсин бир гӧзлӓн Аллахын Падишахлыына, некадар ики гӧзлӓн атыласын ӂендемӓ