Popular Bible Verses from Матфей 16

Share

Озаман Иисус деди ӱӱрениӂилеринӓ: «Ким истеер гелсин Беним ардыма, атылсын кенди-кендиндӓн, алсын ставрозуну да Бени излесин.

Бӓн деерим: сӓн Петрийсин. Бу таш ӱстӱндӓ Бӓн ерлештиреӂӓм Беним клисеми. Ӧлӱм еринин куведи ону енсейӓмейеӂек.

Сана вереӂӓм Гӧк Падишахлыын анатарларыны, да не баалайаӂан ердӓ, о бааланмыш олаӂэк гӧктӓ, хем не чӧзеӂӓн ердӓ, о чӧзӱлмӱш олаӂэк гӧктӓ».

Зерӓ ким истеер куртармаа йашамасыны, кайбедеӂек. Ама ким кайбедеӂек йашамасыны Беним ичин, о йашамак еденеӂек.

Не файда олаӂэк адама, казансын бӱтӱн дӱннейи, ама кенди йашамасыны кайбетсин? Нейӓ вар насыл адам дииштирсин кенди йашамасыны?

«Ама сиз не деерсиниз, кимим Бӓн?» – сорду оннара Иисус. Симон Петри ӂувап етти: «Сӓнсин Христос, дири Аллахын Оолу!»

Иисус деди: «Хелал сана, Симон, Ионанын оолу, зерӓ буну ачты сана диил тен хем кан, ама Беним Гӧктеки Бобам.