Popular Bible Verses from Matfey 19

Share

İisus baktı uz onnara da dedi: «Bu insana olmaz, ama Allaha hepsi olur».

Butakım olaceklar diil iki, ama bir güüdä. Ölä ki, ne Allah birleştirdi, insan onu ayırmasın».

İisus cuvap etti onnara: «Ne, okumadınız mı, ani Yaradıcı baştan yarattı insannarı, olsunnar adam hem karı. Da dedi: „Onuştan brakacek adam bobasını hem anasını da birleşecek karısınnan. İkisi bir güüdä olacek“.

İisus dedi: «Brakın uşakları, gelsinnär Bana, da durgutmayın onnarı, zerä Gök Padişahlıı onnarın gibileri için».

Ama çoyu ilk olannardan bitki olacek, çoyu da bitkilerdän ilk olacek.

Hepsi, kim braktı evini yada kardaşlarını, kızkardaşlarını, bobasını, anasını, /karısını,/ uşaklarını eki merasını Benim adım için, kabledecek üz katına taa çok hem dä edenecek diveç yaşamak.

«Eer istärseydin taman olmaa, git da sat varlıını, payet fukaaralara, da olacek haznan göktä. Sora gel da izlä Beni», – dedi İisus.

İisus cuvap etti ona: «Neçin sorêrsın Bana „ne iilik“? Salt bir Allah ii. Eer istärseydin ömürä girmää, tamanna sımarlamakları».

Hem da söleerim sizä, ani taa ilin bir devä iinenin kulaandan geçsin, nekadar bir zengin adam Allahın Padişahlıına girsin».

Bän sizä deerim: herbir adam, angısı ayırılêr karısından diil hayırsızlık beterinä da evlener başkasına, orospuluk yapêr. /Kim dä evlener kocasından ayırılmış karıya, o da orospuluk yapêr/».

İisus dedi üürenicilerinä: «Dooru söleerim sizä, ne zor bir zengin adam Gök Padişahlıına girsin!