Popular Bible Verses from Romafɔ 3

Share

Tsufɛ aha fɛ́ɛ́ babwɛ lakpan. Mʋ́ sʋ bahʋlɩ Bulu numnyam. Awɩtɔlɛ Bulu lawa ha anɩ. Mʋ́ sʋ nyankpʋsa obégyi asʋ mʋ ansɩtɔ nɩ. Awɩtɔlɛ anfɩ ɩna Kristo Yesusʋ. Mʋlɛka nyankpʋsa nwunsʋ ɩkɔ.

Ɔkpa amʋ gyi ɔkpa ánɩ́ Bulu tɔtsʋn ha ɔha asʋ mʋ ansɩtɔ nɩ. Yesu Kristo hogyisʋ Bulu tɔtsʋn hɔ ɔhagyiɔha. Ma fʋgyi o, ma fʋmegyi o, nkʋnʋ fotsu o, nkʋnʋ fʋmotsu o, ɔhaa mɔtsʋn ɔtsan Bulu ansɩtɔ.

Anyankpʋsa bʋdɛ lakpan bwɛ tsu brɛ ɔpá, tamɛ Bulu lenya klʋn ha amʋ́, ɔmɛbɩtɩ amʋ́ ɩsʋ. Sei a, Bulu labɔpʋ Yesu bɔ afɔdɩɛ, pʋ mʋ obugya lɛ anɩ ɩwɩ mbusuo, mɛnɩ abɔ́tsʋn mʋ hogyisʋ nya lakpansikie. Bulu lɔbwɛ mʋ́ alɩ pʋsuna ánɩ́ mʋ asʋn da ɔkpa, mɛnɩ ibósuna nkɛ anfɩtɔ ánɩ́ yile ɔbwɛpʋ ogyi. Ototsu aha ánɩ́ bɔhɔ Yesu gyi ánɩ́ amʋ́ asʋn da ɔkpa mʋ ansɩtɔ.

Tsufɛ Mose Mbla amʋsʋgyi mɛ́ɛtalɩ ha ɔha ogyi asʋ Bulu ansɩtɔ. Ha mbla amʋ ɩtɛha anɩtɛbɩá lakpan abwɛpʋ anɩgyi.

Bulu asʋn lɛblɩ ɔbɛɛ, “Ɔhaa asʋn mɛda ɔkpa Bulu ansɩtɔ. Ɔbakʋlɛ kʋraa mɛdalɩ mʋ́tɔ. Ɔhaa tamanu Bulu asʋn asɩ, ɔhaa tamadunka Bulu ɔkpa. Amʋ́ fɛ́ɛ́ badamli ɔma ha Bulu, amʋ́ fɛ́ɛ́ bafwɩ. Yile ɔbwɛpʋ ɔkʋkʋ má ɩnʋ. Ɔbakʋlɛ kʋraa mɛdalɩ mʋ́tɔ.”

Megyi atɔ wanklaan amʋʋ Mose Mbla losuna anɩ bwɛ amʋ sʋ anɩtegyi asʋ Bulu ansɩtɔ. Ɩna Kristo hogyisʋ abégyi asʋ Bulu ansɩtɔ.

Ɛkɛkɛɛkɛ! Megyi alɩ igyi! Nɩ afunupʋ aha fɛ́ɛ́ bʋgyi o a, Bulu mʋ́ a, ɔnɔkwalɩpʋ ogyi. Igyi fɛ alɩá Owie Dawid lɛbla Bulu ɔbɛɛ, “Nɩ fɔtɔɩ a, aha bʋblɩ bɛɛ, fʋ asʋn igyi ɔnɔkwalɩ. Nɩ begyi fʋ asʋn ɛ a, bʋblɩ bɛɛ, fʋ asʋn da ɔkpa.”