Popular Bible Verses from Atɔ Lɛsunahɛ 3

Share

Kɩ, nlɩɩ obu-ɔnɔ, ndɛ agoo tswɩ. Nɩ ɔkʋ lonu mɩ ɔmɛ, olefinki ha mɩ a, nébitiwie mʋ wa, mɩa mʋnyɔ abɔ́wa ɩbɩ gyi atɔ.

Nyin fʋ bwɛhɛ fɛ́ɛ́. Fʋmɛblɩ ogya, fʋmolwii ɛ. Nɩ fɛblɩ ogya ntɛ folwii a, tɛkɩ ɩbʋ alɛ. Tamɛ fʋgyi bwɩanbwɩan, fʋmɛblɩ ogya, fʋmolwii ɛ. Mʋ́ alɩ sʋ nótu fʋ tsitsa.

Aha ánɩ́ ntɔdwɛ a, amʋ́ ntɔwa ɩyɩn wa, bɩtɩ amʋ́ ɩsʋ. Mʋ́ sʋ wa nsi, afʋdamli klʋntɔ.

Nyin fʋ bwɛhɛ fɛ́ɛ́. Kɩ, nafinki obu yaɩ ha fʋ. Ɔhaa mɛ́ɛtalɩ fin mʋ́. Nyin ánɩ́ fʋma ɔwʋnlɩn, tamɛ fagyi mɩ atosunahɛsʋ, fʋmɛkpa mɩ ɔma.

Ɔha ánɩ́ olegyi ɩsʋ a, nɛ́ha mʋ obétsia mɩ wa, mɩ owie obia amʋsʋ. Alɩ kɛn mɩ ɛ negyi ɩsʋ, ntsie mɩ Sɩ wa mʋ owie obia amʋsʋ nɩ.

Fɛɛ, atɔ onyapʋ fʋgyi, fʋbʋ atɔ. Tɔtɔ mɛdɛ fʋ hian, tamɛ fʋma tɔtɔ. Fʋmeyin ánɩ́ ohiani fʋgyi. Fʋbʋ nwɛ, fʋ ansibi labwie, fʋna yaya.

Fagyi mɩ asʋnsʋ, fanya klʋn lɩɩ kinkiinkin. Mʋ́ sʋ nɛ́lɛ fʋ lɛ ipian amʋʋ nɔ́pʋsɔ ɔyɩtɔ aha fɛ́ɛ́ kɩ amʋtɔ.

Kɩ, nɛba nɩ. Mʋ́ sʋ kɩta ɩtɔ amʋʋ fʋbʋ amʋtɔ kinkiinkin, mɛnɩ ɔhaa mɔ́ɔhɔ fʋ ɩsʋgyi-ɩpa lɛ fʋ ɩbɩtɔ.

Mʋ́ sʋ tsinki, afʋwa fʋ atɔ trahɛ amʋ ɔwʋnlɩn, tsufɛ idekle iwu. Nawun ánɩ́ fʋ bwɛhɛ lesian mɩ Bulu ansɩtɔ.