Popular Bible Verses from Marko 9

Share

Yesu lɛfɩtɛ mʋ ɔbɛɛ, “Blɩ fʋdɛ fɛɛ, nɩ nɛ́talɩ? Togyitɔ lɔpɔn ha ohogyipʋ.”

Ɩnʋ obi mʋ sɩ amʋ lɔkplʋn blɩ ɔbɛɛ, “Nohogyi, tamɛ mɩ hogyi mɔtsɔ. Gyi mɩ bʋalɛ, mɩ hogyi imoni!”

Mʋ́ ɔma, brɛá Yesu mʋa mʋ akasɩpʋ amʋ nkʋlɛ bʋbʋ woyitɔ a, bɛfɩtɛ mʋ bɛɛ, “Ntogyi sʋ anɩ mʋ́ anɩmɛtalɩ gya ɔŋɛ lalahɛ amʋ dalɩ kebi amʋtɔ?” Mʋʋ ɔlɛbla amʋ́ ɔbɛɛ, “Ɩnɩ odu mʋ́ a, nkɛtɩ mpaɩ pɛ mlɛtalɩ pʋgya mʋ́.”

“Nfɔlɩ bʋ ɔdwɛ, tamɛ nɩ ɩta ɔdwɛ a, ntɔ bɛlapʋwa mʋ́ ɔdwɛ? “Mlɩha ɔdwɛ itsia mlɩtɔ fɛ nfɔlɩ, iwilwii itsia mlɩa mlɩ aba nsɩnɛ.”

“Ɔhagyiɔha ánɩ́ ɔlɔhɔ kebiá ogyi alɩ mɩ ɩdatɔ lahɔ mɩ. Ɔhagyiɔha ánɩ́ ɔhɔ mɩ a, megyi mɩ ɔlɔhɔ, mboun ɔha amʋʋ ɔlɔwa mɩ amʋ.”

Ɔnɔkwalɩ ndɛ mlɩ bla mbɛɛ, nɩ ɔkʋ ɔha mlɩ ntsu-owebi mlonun mɩ ɩda ánɩ́ ɩdɩn mlɩsʋ sʋ a, ɔmɔ́ɔhʋlɩ mʋ ɩpan.

“Nɩ ɔkʋ lɛha aha anfɩ bʋmɔkʋdan mɩsʋ hogyitɔ anfɩtɔ ɔkʋ lɔbwɛ lakpan a, nɩ bɛda nfuokwɛbʋ sian mʋ ɔmɛtɔ, tswɩ mʋ wa ɔpʋtɔ po a, ɩbʋ alɛ dʋn.

Nɩ fʋ nsibi tɛha fʋtɔbwɛ lakpan a, loti mʋ́ lɛ. Ɩbʋ alɛá fɔ́pʋ nsibi kʋlɛ wie Bulu iwiegyi amʋtɔ, dʋn ánɩ́ fɔ́pʋ ansibi anyɔ wie ɩsʋbɩtɩ ogya ánɩ́ ɩtamaduntɔ.